15 August Special: नाथूराम गोडसे ने महात्मा गाँधी को कैसे मारा? How Nathuram Godse Killed Mahatma Gandhi?

mohandas mahatma gandhi,story of mahatma gandhi in english,mahatma gandhi profile in english,mk gandhi life history
Image by Google


Hello Friends, 15 August, Independence Day aane wala hai aur isiliye maine socha ki kyu na Mahatma Gandhi se judi koi post likhi jaye. To aaj hum is post me janenge ki hamare Rashtra Pita Mahatma Gandhi ki maut kyu aur kaise hui, aur iske liye kaun zimmedar hai. Dosto jaisa ki humne pichhli post me padha tha ki Mahatma Gandhi ne jab apna ASAHYOG ANDOLAN vapas le liya tha tab desh ke kai sare krantikaariyo ko yah baat thik nahi lagi thi.Yadi aapne humari Chandra Shekhar Azad aur ASAHYOG ANDOLAN se sambandhit pichhli post nahi padhi hai to use padhne ke liye yaha click kare.

Image by Google
Yah post likhne ke pahle mai aap sabhi se yah kehna chahunga ki is post me jo bhi jankari likhi gai hai vo Nathuram Godse aur Vinayak Karkare ke Bayaano ke aadhar par likhi gai hai. Is post me apne man se kuchh bhi nhi likha gya hai. 15 August 1947 ko jab humara desh azad hua tha tab desh ki janta ko bahut khushi thi lekin jitni khushi desh ki azadi ki thi utna hi dukh tha Bharat aur Pakistan ke alag hone ka. Desh me jagah jagah dange ho rhe the. Delhi bhi isse achhuti nahi rahi, yaha bhi dange ho rhe the. Bharat  aur Pakistan ke bich aane jaane wali trains me kai laashe mil rhi thi. Azadi aur desh ka batwaara ek sath aaya. Nathuram Godse, Vishnu Ramkrishn Karkare aur Narayan Apte ki nazro me batwaare ke liye Gandhi Ji zimmedar the. Nathuram Godse me iske liye sbse jyada gussa tha. Iske liye inhone Mahatma Gandhi ko marne ki planing banai. 20 January 1948 ko Mahatma Gandhi par sabse pahla hmala hua. Ye Hamla Nathuram Godse ke bhai Gopal Godse ki aguvaai me kiya gya. Ye sabhi log isme shamil the.


mahatma gandhi mahatma gandhi,mahatma gandhi's,autobiography of mohandas karamchand gandhi,biosketch of mahatma gandhi in english,gandhi info,gandhi birth year
Image by Google

Delhi me Mahatma Gandhi jis Birla House me thahre huve the, us Birla House pr in logo ne bomb feka tha. Lekin is hamle me Gandhi Ji bach gye the. Chuki pure desh me dange ho rhe the. Gandhi Ji ne in dango ko shant karne ka bida uthaya. Kolkata me dango ko shant karne ke baad Gandhi Ji ne Panjab me ho rhe bade bhari dange ko kaabu karne ke liye vha jane ka faisla liya. Kyuki Panjab me dango ke kaaran sabse jyada logo ki maut ho rhi thi. Lekin Delhi me haalaata aur bhi kharab the, isliye Gandhi  Ji ne Delhi me rukne ka nirnay liya. Kolkata me dango ko shant karne ke baad Delhi ke Birla House me thahre Gandhi Ji ka ye prayas bhi rang laya aur unhone Delhi me ho rhe dango pr kaafi hadd tak kaabu paa liya.

mahatma gandhi mahatma gandhi,mahatma gandhi's,autobiography of mohandas karamchand gandhi,biosketch of mahatma gandhi in english,gandhi info,gandhi birth year
Image by Google
Idhar 27 January 1948 ko, din me 12 baje Nathuram Godse aur Narayan Apte, Mumbai se Delhi ki flight pakadte hai aur Delhi pahuch jate hai.Ab dono taxi pakad kar Delhi Airport se Old Delhi pahuch jate hai. Yaha in dono ki mulakat Vishnu Karkare se hoti hai. Nathuram Godse ne Vishnu Karkare ko pahle se ek kaam diya hua tha aur vo kaam tha kahi se Pistaul (gun) arrange karna. Lekin Vishnu Karkare se ye kaam ho na ska. In logo ne gun ke liye kaafi logo se contact kiya lekin ve apne liye kahi se gun arrange nhi kar ske. Finally Godse ko apne ek purane mitra ki yaad aai. Jo Peshe se Doctor tha aur Gwalior me rehta tha. Ab Godse aur Narayan Apte usi din Gwalior ke liye nikal pade. Vaha unhone apne ek purane mitra aur Homeopathic Doctor Dattatraya Parchure ki madad se kahi se ek gun ka arrangement ki. Ye gun 1934 me Italy me menufacture hui thi. Sath hi gun ke sath 20 goliya bhi unko mili.
Gun lekar Nathuram Godse aur Narayan Apte vapas Delhi nikal jate hai. Yaha Vishnu Karkare ne Old Delhi Railway Station ke guest room me 6 no. ka room pahle hi book kiya hua tha. yaha fir se Narayan Apte, Nathuram Godse aur Vishnu Karkare,
mahatma gandhi mahatma gandhi,mahatma gandhi's,autobiography of mohandas karamchand gandhi,biosketch of mahatma gandhi in english,gandhi info,gandhi birth year
Image by Google
Mahatma Gandhi ke murder ki planning me jut gye. Ab unko ye bhi check karna tha ki ye gun chalu hai bhi ya nahi. Gun ko check karne ke liye ve tino Delhi me hi Birla Mandir  ke pichhe sunsaan jungle me gye aur vha unhone gun chalakar dekhi aur practice bhi kari. Iske baad tino bahut khush huve. 29 January 1948 ko inke dwara tay hua ki kal yaani 30 January 1948 ko hum Gandhi Ji ko mar denge. Gandhi Ji Birla House ke park me sham 5 baje hmesha Prarthna Sabha karne jate the. Unko vhi pr marne ki planing hui. Lekin security kaafi tiet hone ke kaaran yah samjh nhi aa rha tha ki aakhir gun ko adar kaise le jaya jaye. Aise me Godse ke liye ek alag dress kharidi gai. Jisme gun ko chhupaya ja ske.
29 January 1948 ko Vishnu Karkare aur Narayan Apte ko dar ke maare nind nhi aa rhi thi ki kahi kal hum sab pakde nahi jaaye. Lekin Godse ne us raat chain ki nind li. Isi bich me Apte aur karkare dar ko khatm karne ke liye paas hi ke cinema me movie
mahatma gandhi full history,gandhiji life history in english,mahatma gandhi life story in english
Image by Google
dekhne chale gye. Aur late night vapas aakar so gye. Agle din planning me according Birla House jane ka samay hua. Birla House jane ke pahle Godse ne apni antim ichha jaahir ki. Us samay Godse ka "Mungfali" khane ka man hua. aaspaas kahi mungfali nahi mili. Badi mushkil se Godse ke liye mugfali ka intzaam kiya gya. 3 baje ke lagbhag tino Birla House ke liye nikalne ke liye ready huve aur tino aakhri bar ek dusre ke gale mile. Ab Tino taxi se Birla House ki or nikal gye. Birla House jane ke pahle Karke ne Birla House jane ke pahle Birla Mandir jane ki ichha jatai taaki aakhri baar bhagwan ke darshan kar ske. Yaha Gadi rukvaakr Karkare aur Apte Birla Mandir me jate hai lekin Godse ne mandir me jane se inkar kar diya.
Ab Apte aur Karkare jab tak darshan karke mandir se bahar aate hai tab tak sham ke 4:30 baj chuke hote hote hai. Aur inko 5 baje kisi bhi halat me Birla House pahuchna hota hai. Planning ke mutaabik Godse ko Birla House me sabse pahle jana hota hai aur uske thik 5 minut baad Apte aur Karkare ko Birla House me jana hota hai. Hua bhi aisa hi. Godse ne Apte aur Karkare ke aakhri bar namaskar kiya aur kaha ki "Namaskar, thik hai mai chalta hu, ab pata nhi fir kabhi milna ho ya na ho". Aisa kehne ke baad Godse ne fir pichhe palatkar nhi dekha aur kisi tarah Birla House me entry le li. Thik 5 minut baad Apte aur Karkare bhi Birla House me chale gye. Aur Bhid me jaakar Godse  ke dono or khade go gye. Yaha mauzud log roj ki tarah Gandhi Ji ka wait kar rhe the.


Image by Google

Haalaki Gandhi Ji samay ke bahut paband the. Birla House me daily thik 5 baje Prarthana Sabha me pahuch jate the. Lekin us din thoda late ho gye. Qki us samay Gandhi Ji Birla House me apne room me Sardar Vallabh Bhai Patel se meeting kar rhe the. Aise me Gandhi Ji ko time ka pata hi nhi chala. Kisi tarah unko kisi ne himmat karke ghadi dikhai. Tab Gandhi Ji ko samay ka pata chala. Iske baad Gandhi Ji ne Sardar Vallabh Bhai Patel se kaha ki "Ab Ishwar se milne ka samay ho gya hai ab mujhe jana hoga". Aisa kehkar unhone meeting khatm kari aur Prarthana Sabha ke liye nikal gye. [Ishwar se milne ka samay aa gya hai yaani Prarthna ka samay ho chuka hai.]
Ab Gandhi Ji logo ki bhid me pahuch chuke the. Aur Jaise Jaise ve aage bad rhe the Nathuram Godse, Narayan Apte aur Vishnu karkare tino ke tino kaafi ghabra rhe the. Aise me jaise hi Gandhi Ji, Nathuram Godse ke karib pahuche, pahle to Godse  ne Gandhi Ji ko Hath Jodkar abhivaadan kiya. 
Image by Google
Godse ne pahle hi soch liya tha ki Gandhi Ji ne desh ke liye jo bhi sangharsh aur sewa ki pahle to uske liye Gandhi Ji ko hath jodkar naman karna hai aur aisa Godse ne kiya bhi. Gandhi Ji chalkar jab Godse  se sirf 3 kadam dur reh gye the tab Godse ne achanak Gandhi Ji ke samne aakar, Gandhi Ji ke aage jhuk kar hath jode. Aise me Gandhi Ji ke sath chal rahi Manu ko lga ki Godse, Mahatma Gandhi ke pair chunaa chahta hai. Aise me Manu ne Godse ko hath lagakar thoda side ho jane ko kaha. Usi samay Godse ne apne left hand se Manu ko ek taraf dhakka de diye aur apni kamar se apni gun nikaal kar Gandhi Ji pr taan di. Aur lagaatar 3 goliya chala di. Kisi ko kuchh smjh nhi aaya. Gandhi Ji vhi pr niche gir gye aur unke muh se sirf 2 shabd nikle "Hey Ram". Itna kehkar Gandhi Ji ne apne Praan Tyaag diye. Is samay Gandhi Ji ki kamar me latak rhi ghadi me sham ke 5:17 baj rhe the. 

Image by Google
Gandhi Ji ko goli marne ke baad Godse ko vhi se giraftaar kar liya gya. Baad me Apte aur karkare ko bhi giraftaar kar liya gya. Gandhi Ji ko marne ki planning ke liye 8 logo par case darj kiya gya.
  1. Nathuram Godse
  2. Narayan Apte
  3. Vishnu Karkare
  4. Veer Savarkar
  5. Gopal Godse
  6. Dr. Parchure
  7. Madanlal
  8. Digambar Badge ka Naukar
Khud Digambar Badge ek sarkari gavaah ban gya. Lal Kile ko lagai gai ek vishesh adaalat ne 10 February 1949 ko apna faisla sunaya. 8 Aaropiyo me se 7 logo ko saza sunai gai. Lekin Subut ke abhaav me Veer Savarkar ko bari kar diya gya. Nathuram Godse aur Narayan Apte ko Faasi ki saza sunai gai jabki Vishnu Karkare, Madanlal, Gopal Godse, Dr. Parchure aur Badge ke Naukar ko Aazanm karawas ki saza mili. Baad me Uchh Nyayalay me apeal karne par Dr. Parchure aur Badge ke naukar ko riha kar diya gya.
15 November 1949 ki subah Ambala ki jail me Nathuram Godse aur Narayan Apte ko faasi de di gai.
Note : Sari Jankari Hindi News Channel AajTak se li gai hai.

SHARE THIS
Previous Post
Next Post